Hreindýrakapphlaup
Skondið 500 bita púsl frá Jumbo og meistara Jan Van Haasteren heitnum. Einhvers staðar á norðurhveli jarðar fékk einhver þá hugmynd að láta hreindýr þreyta kapphlaup… en þau virðast misáhugasöm um það og margir óvæntir gestir skjóta upp kollinum í keppninni.
Jan Van Haasteren hefur myndskreytt ótal púsl fyrir Jumbo. Hann er þekktur fyrir skondnar og litríkar myndskreytingar, fullar af smáatriðum. Oft laumar hann sömu atriðunum inn í myndirnar, s.s. hákarlaugga, Sankti Nikulási eða sjálfsmynd. Púslarar geta skemmt sér við að leita að þessum smáatriðum.
